خطاب طمم بطون البلابسة

كتب : آدم الجدي

حدثني بلبوسي متواجد فى غرف بلابسة (الفلول) بعد خطاب قائد المهمشين سعادة الفريق أول محمد حمدان دقلو حفظة الله ورعاة .
قال (بعد ما جهزنا موادنا الصحفية ومنتجنا فيديوهاتنا (القديمة) وهيأنا غرفنا للنشر .
وكنا نمنى النفس بخراف الأضحية وحافز ملياري دولاري وعدونا بيهو) .
وجهزنا شنطنا للحافز وشطتنا وشربوتنا للشية المجمرة وحبالنا و(العلف للخرفان) .
ولكن واااااه من لكن ، وقبل ما نصبح الصباح طلع زولكم بخطاب طمم بطونا عديل وخرب لينا فرحة العيد ..
لا بنقدر نقول ده ما (حميدتي) ومافى طريقة نشكك فى المعلومات الذكرها فى خطابو .
كلام كان واضح الشخصية هي نفس الشخصية ونبرة الصوت هى ذاتها نبرة الصوت .
والاخطر لما قال (كل موتر يحمل ثلاثة أفراد وكل متحرك يكون معاه اعلامين وبكاميرات) .
كده الشغل حقنا (اتقده) وح يختلف وكل المستخبي بطلع وباحترافية .
يعني شغل الخم والسواقة بالخلاء الزمان داك تاني مافي .
والله خطاب بوظ لينا عيدنا لا لمينا فى الخروف ولا لقينا حافز .
الحمد لله الليمون والفلاجيل موجودات .
بعد الخطاب أى مسؤول تمشي ليه تلقاه يا جارى الحمام او جاي من الحمام اسهال (مائي) شديد .
كيف ما يمسكهم اسهال والقوة الصلبة لمتحرك الصياد تدمرت بنسبة (70%) .
ومعظم القادات ماتوا فى محاور كردفان وكمان الدعم السريع سيطر فى (12) ساعة على أربعة مناطق مهمة ومعاهم كازقيل هدية .
غنائم عربات واسلحة ما تديك الدرب .
ولسع تقدم الدعامة مستمر والأبيض محاصرة والشمالية فى مرمى حجر ، غايتو الدعامة ديل ناس لا بكلو ولا بملو .
هههاى ده يوم المنى يا (بلبوسي) ويا بخت من حضر عصرة (النهود) وجاهز (للدبة) .
يا (بلبوسي) لسع ما شفت من الجمل الا اضيناتو والغريق قدام .
احسن ليك انفد بجلدك وشوف (اهلك) قبل تهلك .
فى النهاية حيعاملوك زى (خادم رحكت لستها) .
خليك عارف تاني كل الشغل في الميدان كتامي والتصوير أحترافي .
وريناك عشان ما تدقس تروح فيها ساكت .
يعني تاني مافي طريقة تدبلجوا وتركبوا وتخدعوا الناس بالفيديوهات القديمة ديك وتقولوا شغل اليوم وبراؤون والكلام الفارغ داك .
لعلمكم بورتسودان للأشاوس ما بعيدة .
والشمالية ما أظن تبقى عنيدة .
والشباب ركبوا الموتر واللاندي الفاخر .
عشان يحرروا بابنوسة والأبيض والفاشر .
و(الشغل) حيبقى كتامي ما ظاهر .
سنلتقى باذن الله تعالى..