الشقي بشوف في نفسو

كتب : آدم الجدي

عندنا في السودان مثل شعبي واضح يقول (الشقي بشوف في نفسو والبخيت بشوف في اخو) .
هذا المثل انطبق بحزافيره علي ناس الجيش وخاصة قيادات وجنود متحرك ما يسمى الصياد .
بقت عندهم علقة ثابتة كل صباح ومساء من (أشاوس) (الجاهزية).
علقتين في اليوم صباح ومساء التقول وصفة علاج من طبيب متخصص .
أجدادنا العاشوا زمان لما قالوا البخيت بشوف فى اخوه والشقي بشوف فى نفسو .
ما قالوها ساكت كده ، قالوها لأنهم عايشوا الواقع وجربوا المجرب وطلعوا بخلاصة بان المجرب لا يجرب والشقي بشوف فى نفسو .
لكن الاحفاد المتواجدين الان مع متحرك الصياد وجيش (الفلول) وكتائبه الإرهابية لا زال مخهم ما جاء .
الظاهر هم من نوعية الناس المخهم بجي الساعة ١٢ ديلك .
معقولة متحرك كامل يدخل يوميآ فى معارك وما يطلع الا ابو عمرآ طويل .
متحرك بجي ب(١٠٠) عربية ترجع منها عشرة بس .
فيه قوة عسكرية بشرية أكثر من (٥٠٠) عسكري يرجعوا منهم (١٠٠) والرجعوا نصفهم بيكونوا مصابين ، وطلعتهم رجلينهم جري (دنكاس) .
معركة كازقيل بالامس كانت درس مجاني (للبخيت) البفهم الدروس وللبليد الراسو مربع .
شباب مغشوشين وسايقهم إعلام الزيف والتضليل للموت المجاني كالخراف . يخضدعونهم بالإنتصارات الوهمية والفيديوهات المفبركة والخطب الحماسية الرنانة والنتيجة جثامين تملأ العراء .
تنهشها الكلاب والقطط والصقور والحشرات ولا بواكي عليها .
الأسر تنتظر عودة أبناءها ولكن دون جدوى .
ايها الجنود كونوا من (البختاء) شوفوا فى غيركم خلو (اولاد المصارين البيض) يدخلوا المعارك شوية كمان .
لا تعرضوا أنفسكم للتهلكة والفناء من أجل الدفاع عن نظام فاسد وقادة حرامية لا يعترفون بوجودكم الا اذا حملتم السلاح ودافعتم عنهم وقتلتم اهلكم .
أبناءهم وأسرهم يتنعموا ويتعالجوا ويدرسوا خارج البلاد.
وانتو ماسكين السلاح واسركم ما لامين فى حق جوز الموية ولا لقمة العيش ومدارسكم معطلة ومستشفياتكم مدمرة .
اصحوا ولا تكونوا (اشقياء) وعبيد لمستعمر جديد لا يريد منكم إلا أن تقتلوا لحساب أن يعيش هو وأهله فى نعيم .
سنلتقى باذن الله تعالى..